महिला पोस्टमनद्वारा राखीचे वितरण

 रक्षाबंधनाच्या दिवशीच बहिणीने पाठवलेली राखी भाऊरायच्या हाती

●महिला पोस्टमनद्वारा राखीचे वितरण

केडगाव : बहीण भावाच्या अतूट  नात्यातील पवित्र सण म्हणजे रक्षाबंधन..!!

बहिणीने पाठवलेली राखी भावाच्या हाती वेळेवर मिळावी, याकरिता डाकविभागाच्या वतीने राखी वाटपासाठी विशेष मोहीम राबवली गेली.

नोकरी ,व्यवसायानिमित्ताने अनेकांना आपल्या घरापासून दूर राहावे लागते. अश्या वेळी पोस्टाने राखी पाठविण्यास प्राधान्य दिले जाते. या सर्वच राख्या सुरक्षितपणे वेळेत पोहचविण्यासाठी डाक विभाग नेहमीच प्राधान्य देत असते.

आजच्या रक्षाबंधनाच्या विशेष दिनी अहमदनगर विभागातील  सर्वच डाकघराकडून  आलेल्या सर्व राख्या आपल्या  भाऊरायाकडे पोहच केल्या गेल्या.

 आजच्या दिवशी केडगाव पोस्टऑफिसमध्ये रजिस्टर्ड पोस्ट, स्पीड पोस्ट व सध्या पोस्टाने आलेल्या सर्व राख्या  पोस्टमनद्वारे वितरित करण्यात आल्या.रक्षाबंधनाच्या निमित्ताने आपल्या लाडक्या बहिणीने पाठवलेली राखी  भाऊरायाच्या हाती मिळताच त्याच्या चेहऱ्यावरील आनंद निश्चितच समाधान देणारा होता.

आजच्या राखी वाटपाच्या विशेष मोहीमेत केडगाव पोस्ट ऑफिसमधून पन्नास पेक्षा अधिक राख्या भाऊरायच्या हाती सोपविण्यात आल्या. पोस्टऑफिसमध्ये श्री संतोष यादव,श्रीमती शुभांगी मांडगे,श्रीमती प्रियांका भोपळे, अजय परमार यांच्या नियोजनात सर्वश्री सोमनाथ घोडके, शिवाजी कांबळे,अंबादास सुद्रीक,दिपक भुसारे,श्री संजीव पवार या पोस्टमनबांधवाच्या  उस्फुर्त अनमोल सहकार्यामुळे आजच्या शुभदिनी राख्या भाऊरायच्या हाती सोपविण्याची  विशेष मोहीम यशस्वी केली.

...................................

बाईट:

बहीण भावाच्या अतूट नात्याला अजून घट्ट करणारा सण म्हणजे रक्षाबंधन.

रक्षाबंधनाच्या निमित्ताने आपल्या लाडक्या बहिणीने,भाऊरायाला पाठवलेली राखी मिळताच भाऊरायाच्या चेहऱ्यावरील समाधान  हे निश्चितच आनंद देणारे असते.

संतोष यादव

पोस्टमास्तर

केडगाव