प्रा.शिंदे यांची भाजपाच्या प्रदेश कोअर समितीच्या सदस्यपदी नियुक्ती झाल्याबद्दल त्यांचा पक्षाच्यावतीने पेमराज सारडा महाविद्यालयात सत्कार करण्यात आला. याप्रसंगी आमदार मोनिका राजळे, माजी आ.शिवाजी कर्डिले, बाळासाहेब मुरकुटे, भाजपाचे शहर जिल्हाध्यक्ष महेंद्र गंधे, जिल्हाध्यक्ष अरुण मुंडे, माजी जिल्हाध्यक्ष भानुदास बेरड, अकोलेच्या नगराध्यक्षा सोनाली नाईकवाडी, जिल्हा परिषद सदस्य जालिंदर वाकचौरे, माजी महापौर बाबासाहेब वाकळे, शहर जिल्हा संघटक विवेक नाईक ,उपाध्यक्ष नरेंद्र कुलकर्णी, संतोष गांधी ,तुषार पोटे,वसंत लोढा, सुनिल रामदासी आदि उपस्थित होते.
प्रा.शिंदे म्हणाले, एकेकाळी माजी उपमुख्यमंत्री दिवंगत गोपीनाथ मुंडे यांनी मुंबई व महाराष्ट्र गुन्हेगारी मुक्त करण्याचे काम केले. आज मात्र दाऊतचा हस्तक मंत्रिमंडळात आहे. हा मंत्री आठ दिवसांपेक्षा जास्त काळ तुरुंगात आहे, तरी त्यांचे मंत्रिपद कायम आहे. याबाबत आता जनताच न्याय करेल, जनता भाजपासोबत आहे. आगामी जिल्हा परिषद व पंचायत समिती निवडणुकीत पक्षाच्या या एकोप्यामुळे जिल्ह्यात भारतीय जनता पार्टी सर्वाधिक सदस्य निवडून येतील. पक्षाने आजवर भरभरुन दिले आहे,त्यातून उतराई होण्यासाठी यापुढे सामान्य कार्यकर्ता केंद्रबिंदू ठेवून त्याला सन्मान मिळण्यासाठी प्रयत्नशील राहणार असल्याचे सांगितले.
Post a Comment