दत्त जयंती उत्सवानिमित्त सुर्यमुखी गुरुदत्त दिगंबर युवा विकास प्रतिष्ठानच्या सामुदायिक विवाह सोहळा

         नगर:(प्रतिनिधी) दातरंगे मळा येथील श्री दत्त कॉलनीत श्री दत्त जयंती उत्सवानिमित्त श्री सुर्यमुखी गुरुदत्त दिगंबर युवा विकास प्रतिष्ठानच्या वतीने धार्मिक, सांस्कृतिक, विविध कार्यक्रमांचे आयोजन करण्यात आले आहे.  प्रतिष्ठानचे हे 19 वे वर्षे असून दर वर्षी जयंती उत्सव मोठ्या उत्साहात पार पडतो.  विविध सामाजिक कार्यक्रमांनी या उत्सवाची शोभा वाढते.  श्री दत्त जयंती निमित्त प्रतिष्ठानच्या वतीने सामुदायिक विवाह सोहळा करण्यात येतो. यामध्ये दरवर्षी 3-4 जोडप्यांचा विवाह लावण्यात येतात, तसेच उत्सवानिमित्त रक्तदान शिबीराचे आयोजन करण्यात येतो, त्यामध्ये 100 युवक दरवर्षी  रक्तदान करतात. या जयंती उत्सवास हजारो लोक दर्शनासाठी गर्दी करुन महाप्रसादाचा लाभ घेतात. श्री सुर्यमुखी गुरुदत्त युवा विकास प्रतिष्ठानच्या सर्व सदस्य व कार्यकर्ते यासाठी विशेष परिश्रम घेतात.

श्री दत्त जन्मोत्सव शनिवार दि. 18 डिसेंबर  2021 रोजी आहे. रविवार दि.12 रोजी रक्तदान शिबीर स.9 ते 3 वा., सोमवार दि.13 रोजी भजन संध्या (हरिहरेश्‍वर भजनी मंडळ) सायं.7 ते रात्री 9 वा., मंगळवार दि.14 रोजी चित्रकला स्पर्धा - खुला वर्ग (सर्व वयोगटासाठी) दु.5 ते सायं.6 वा. तसेच  भजन संध्या (गुरुदत्त भक्त सेवा मंडळ) यांचा कार्यक्रम सायं.7 ते रात्री 9 वा.  बुधवार दि. 15 रोजी राष्ट्रपती पुरस्कार विजेता डॉ.अमोल बागुल यांचे सांस्कृतिक कार्यक्रम सायं.7 ते रात्री 9 वा., गुरुवार दि.16 रोजी रांगोळी स्पर्धा-खुला वर्ग (सर्व वयोगटासाठी) दु.4 ते सायं.6 वा तसेच श्री.राजाभाऊ कोठारी यांच्या शुभहस्ते गरजु विद्यार्थ्यांना नवीन सायकल वाटप सायं.7 वा., शुक्रवार दि.17 रोजी डान्स स्पर्धा - खुला वर्ग (सर्व वयोगटासाठी) सायं.7 ते रात्री 10 वा.,  असे कार्यक्रम आयोजित केले आहे. 

श्री दत्त जयंतीदिनी शनिवार दि.18 डिसेंबर 2021 रोजी स.7 ते 9 महारुद्राभिषेक, स.9 ते दु. 12 वा श्री दत्त पादुका पालखी सोहळा, स.10 ते स.11.30 वा. होमहवन, दु.12.50 वा.महाआरती, दु.1 ते दु.2 वा. सत्यनारायण महापुजा, दु.1 वा. सामुदायिक विवाह सोहळा, दु.1 ते दु.5 महाप्रसाद (भंडारा), असे कार्यक्रम होतील. तरी जास्तीत जास्त भाविकांनी याचा लाभ घ्यावा, असे आवाहन श्री सुर्यमुखी गुरुदत्त युवा विकास प्रतिष्ठानच्या सर्व कार्यकर्त्यांनी केले आहे.