कर्जत (विशेष प्रतिनिधी)
गेली वर्षभरापासून अहमदनगर – करमाळा व आढळगाव – जामखेड या केंद्र सरकारच्या महामार्गाच्या मंजुरीच्या व श्रेयवादाच्या कर्जत – जामखेडच्या लोकप्रतिनिधी यांचा सोशल मीडियावरचा बालिश आटापिटा पाहता सर्वसामान्य जनतेसह विविध पक्षातील पदाधिकारी व लोकप्रतिनिधींना देखील हा प्रकार किळसवाणा वाटू लागला आहे.माजी केंद्रीय मंत्री स्व . दिलीप गांधीच्या नंतर माजी मंत्री प्रा.राम शिंदे यांच्या पाठपुराव्याने व यावर खासदार डॉ. सुजय विखे यांनी या विकास कामांवर गतीने कळस रचला.या कामाचे श्रेय आमदार रोहित पवार यांनी घेऊ नये असा सल्ला भाजपचे दक्षीण जिल्हा प्रसिद्धी प्रमुख सचिन पोटरे यांनी प्रसिद्धी पत्रकाद्वारे दिला आहे.
पुढे बोलताना पोटरे म्हणाले की केंद्रीय मंत्री .नितीन गडकरी व खासदार डॉ. सुजयदादा विखे पाटील यांनी आपल्या भाषणात दिवंगत केंद्रीय मंत्री कै. दिलीपजी गांधी यांच्या काळापासून म्हणजे सन 2017 पासून या महामार्गाच्या व इतर कामाच्या मंजुरीचा पाया रचला जात असून स्व यां. गांधीच्या नंतर माजी मंत्री प्रा.राम शिंदे यांच्या पाठपुराव्याने व यावर खासदार डॉ. सुजय विखे यांनी या विकास कामांवर गतीने कळस रचला.
मागच्या वर्षी मिरजगाव येथे कर्जत तालुका भाजपाच्या वतीने अहमदनगर -करमाळा या महामार्गाच्या दुरुस्ती तसेच राज्य सरकारने केलेल्या निकृष्ठ कामाची चौकशी/ री टेंडर व मंजूर काम लवकर करण्यासाठी आंदोलन केले असता खासदार विखे यांनी हा प्रश्न तातडीने वेळोवेळी श्री.गडकरी यांच्याकडे पाठपुराव्याने मार्गी लावला असून हा मार्ग पूर्ण होईपर्यंत केंद्र सरकार कडून तात्पुरती दुरुस्ती साठी आठ कोटी मंजूर केले असून त्याच दुरुस्तीच काम ही सध्या तातडीने चालू आहे तरी कृपया या विकास कामांचे श्रेय घेण्याचा कोणी प्रयत्न करू नये तसेच राज्य शासनाचा जास्तीत जास्त निधी आपल्या मतदारसंघात कसा येईल त्याचा प्रयत्न करावा यासाठी आमच्या मनपूर्वक शुभेच्छा !
सोबत या महामार्गाच्या केंद्र सरकारकडे समावेश झाल्यापासून आज अखेर तारीख वर्षनिहाय मंजुरीचा प्रवास
अजून काय पाहिजे..?
सचिन पोटरे
जिल्हा प्रसिद्धी प्रमुख भाजपा, अहमदनगर दक्षिण
Post a Comment