पुणे (विशेष प्रतिनिधी)धनगर आरक्षण संपविण्याचा घाट केंद्र सरकारने घातला आहे . सरकार जातवार जनगणना करणार नाही हा निर्णय समाजाला खड्ड्यात घालणारा आहे . घटनेत तरतुद असुनही समाजाला आरक्षणापासून वंचित रहावे लागत आहे . याबाबत सरकारने भाषा शास्त्रीय वादापेक्षा कृतीवर भर देवून धनगर समाजाला अनुसुचित जमातीच्या सोई सवलती त्वरीत लागू कराव्यात अन्यथा यापुढे मोठे आंदोलन उभा करू , गेली अनेक वर्षे प्रलंबीत असणाऱ्या या आरक्षण प्रश्नावर आगामी काळात ठोस धोरण ठरविणे आवश्यक असुन यासाठी महाराष्ट्रातील सर्व धनगर समाजाच्या संघटनाप्रमुखांची कोअर कमेटी तयार करून आरक्षण प्रश्नी आगामी काळात मोठे जन आंदोलन पुकारण्यात येणार असल्याचे प्रतिपादन महाराष्ट्राचे माजी जेष्ठ मंत्री मा . श्री . अण्णासाहेब डांगे यांनी व्यक्त केले .
ते पुणे ( धनकवडी ) येथील भारती विद्यापिठात आयोजीत करण्यात आलेल्या धनगर समाज आरक्षण परिषदेत परिषदेचे निमंत्रक व समारोप भाषणात बोलत होते . प्रारंभी उपस्थित मान्यवरांच्या हस्ते पुण्यश्लोक अहिल्यादेवी होळकर , मल्हारराव होळकर , यशवंतराव होळकर यांच्या प्रतिमांचे पुजन करून दिपप्रज्वलनाने आरक्षण परिषदेस सुरुवात झाली . प्रारंभी स्वागत व प्रास्ताविक महाराष्ट्र धनगर समाज महासंघाचे प्रदेशाध्यक्ष मा . अँड . राजेंद्र ऊर्फ चिमणभाऊ डांगे यांनी केले .
महाराष्ट्राचे राज्यमंत्री मा . ना . दत्तात्रय भरणे , माजी आमदार प्रकाश आण्णा शेंडगे , खासदार मा . श्री . विकास महात्मे , माजी मंत्री मा . श्री . राम शिंदे , माजी आमदार , अँड . रामहरी रूपनवर , माजी आमदार मा . श्री . पोपटराव गावडे , माजी आमदार रमेश शेंडगे , माजी आय.पी. एस . अधिकारी मधु शिंदे , पुणे जिल्हा परिषदेचे माजी अध्यक्ष विश्वासराव देवकाते , मल्हार सेनेचे सरसेनापती बबनराव रानगे , प्रा . लक्ष्मण हाके , मा . श्री . दिलिपराव एडतकर , मा . नवनाथ पडळकर , मा . प्रविण काकडे , मा . सुरेश कांबळे , डॉ . शशिकांत तरंगे , विलासराव गडदे , आनंदराव शेळके , डॉ . अलकाताई गोडे , सौ . उज्वला हाके , आदी मान्यवर पदाधिकारी व राज्य संघटना प्रमुख यांनी सरकार केंद्र असो वा राज्य सरकार धनगर समाजाच्या आरक्षण मागणीकडे यापुढे वेगवेगळी आंदोलने न करता एकत्रित येवून सरकारला जाब विचारू प्रसंगी रस्त्यावरील लढाईने सरकारला धारेवर धरू , व आरक्षण पदरात पाडून घेवू , जातवार जनगणना व्हावी ही धनगर समाजाची मागणी आहे . यापुढे एकत्रित रित्या आर या पार ची लढाई करू अशा इशारा या राज्यव्यापी आरक्षण परिषदेतुन देण्यात आला .
या धनगर आरक्षण परिषदेमध्ये श्रीरामभाऊ पुंढे , प्रा . अरूण घोडके , सुभाष सोनवणे , सुनिल वाघ , सौ . पुष्पाताई गुलवाडे , व्यंकटराव मोकले , पांडूरंग काकडे , उमेश घुरडे , संदीपराव तेले , धनाजी सातपुते , संभाजीराव बैखरे , बायजीराव शेळके , सुनिल मलगुंडे , राजेश तांबवे , विलासराव गडदे , शिवाजीराव ढेपले , नारायणराव बोबडे , अँड . मिलिद जाडकर , विजय महानवर , बाबासाहेब टेकाडे , डॉ . ज्ञानदेव काळे , अमर ढोणे , नानासाहेब गाडेकर , वासुदेव आसकर , मुरलिधर पिंगळे यांच्यासह महाराष्ट्रातील धनगर समाजाच्या ३६ संघटनांचे राज्य संघटना प्रमुख उपस्थित होते .
कार्यक्रमाचे संयोजन महाराष्ट्र धनगर समाज महासंघाचे प्रदेशाध्यक्ष मा . अँड . राजेंद्र ऊर्फ चिमणभाऊ डांगे व मल्हार सेनेचे सरसेनापती बबनराव रानगे यांनी केले . प्रा . ए . के . पाटील यांनी धनगर ऐक्य गित सादर केले , बजरंग कदम यांनी सूत्रसंचालन केले तर शेवटी आभार महासंघाचे प्रदेश सरचिटणीस मा . श्री . सुनिलभाऊ वाघ यांनी मानले .
Post a Comment